Инноваци, хамтын ажиллагааг дэмжих стратегийн бодлогын хүрээнд манай компани залуу инженерүүд болон бизнес эрхлэгчдэд зориулсан “Unplug Tomorrow” технологийн арга хэмжээнд хөрөнгө оруулан хамтран ажилласандаа баяртай байна. Энэхүү санаачилга нь технологийн дэвшлийг дэмжигч, шинийг санаачлагч, хойч үедээ хөрөнгө оруулах зэрэг Юнайтед Прожектс Группийн эрхэм зорилгын биелэл юм. Тус арга хэмжээнд хөрөнгө оруулснаар залууст авьяас чадвараа хөгжүүлэх, санаа бодлоо чөлөөтэй солилцох, технологийн янз бүрийн салбарт ирээдүйн ололт амжилтуудыг бүтээх боломж бүхий таатай орчныг бүрдүүлэх юм.
“Unplug Tomorrow” нь технологийн хамгийн гэгээлэг уулзалтын талбар болохын зэрэгцээ энтрепренер сэтгэлгээг хөгжүүлэх, салбартаа инновацийн соёлыг төлөвшүүлэх гэх мэт үнэ цэнтэй арга хэмжээ болж өндөрлөснийг онцолж байна. Бидний хувьд технологийн салбарт өрсөлдөх чадвартай хэвээр үлдэхийн зэрэгцээ өсөн нэмэгдэж буй үеийнхний авъяас чадварыг хөгжүүлэхийг үйл ажиллагаандаа тусган, үргэлж хэрэгжүүлэгч байх болно.
